එක්සත් ජාතික පක්ෂයේ බස්නාහිර පළාත් සභා මන්ත්‍රී මෙන්ම හිටපු ප්‍රවීන ක්‍රිකට් ක්‍රීඩක හෂාන් තිලකරත්න මහතා අත්අඩංගුවට ගැනීම සඳහා ජනරාල් සරත් ෆොන්සේකා මහතාගේ බෑණනුවන් වූ ධනුන තිලකරත්න මහතාට නවාතැන් දුන්නේය යන චෝදනාව එල්ල කිරීමට හැකිදැයි සොයා බලමින් සිටින බව වාර්තා වේ.
මේ සම්බන්ධයෙන් චෝදනා ඉදිරිපත් කිරීමට හැකි දැයි සොයා බලන ලෙස රහස් පොලිසිය නීතිපතිගෙන් උපදෙස් පතා ඇත. මේ සම්බන්ධයෙන් අදාල චෝදනා ඉදිරිපත් කිරීමට නීතිපති උපදෙස් පතන රහස් පොලිසිය නීතිපතිවරයාට දන්වා ඇත්තේ ධනුන තිලකරත්න මහතා පෙබරවාරි මස 19 හා 20 යන දිනයන්හි හෂාන් තිලකරත්න මහතාගේ නිවසේ නවාතැන් ගෙන ඇති බවයි.
කෙසේ වෙතත් මීට පෙර ද රහස් පොලිසිය විසින් හදිසියේම හෂාන් තිලකරත්න මහතාගේ පිළියන්දල පිහිටි නිවස සෝදිසි කර ඇති අතර, ධනුන තිලකරත්න මහතා සම්බන්ධයෙන් හෂාන් තිලකරත්න මහතාගේ බිරිඳ වන අප්සාරි තිලකරත්න මහත්මියගෙන් හා හෂාන් තිලකරත්නගේ මෑණියන්ගෙන් ප්‍රශ්න කර ඇති අතර, පසුව හෂාන් තිලකරත්නගෙන්ද ප්‍රශ්න කිරීමක් කර ඇත.truth
0 comments:
Post a Comment