ශ්‍රී ලංකාව සහ එක්සත් ජාතීන්ගේ සංවිධානය අතර සබඳතා පළුදු වී නොමැති බව එම සංවිධානයේ ශ්‍රී ලංකා නිත්‍ය නියෝජිත ආචාර්ය පාලිත කොහොන මහතා පවසයි.
ඔහු පවසන්නේ ශ්‍රී ලංකාවේ විවිධ කේෂ්ත්‍ර පිළිබඳව එක්සත් ජාතීන්ගේ නියෝජිතයින් අතර සාකච්ඡා පැවැත්වෙමින් ඇති බවයි. මෙවැනි අවස්ථා බොහෝමයක් ඉතිහාසය තුළ දක්නට තිබූ බව හෙතෙම පෙන්වා දෙයි.
එක්සත් ජාතීන්ගේ සංවිධානයේ දේශපාලන කටයුතු පිළිබඳ නියෝජ්‍ය ලේකම් ලියන් පැස්කෝ මහතා ශ්‍රී ලංකාවේ සංචාරය කිරීමට නියමිතව ඇත්තේ රජය කළ ආරාධනාවකට අනුව බව පාලිත කොහොන මහතා පවසයි.
ආචාර්ය පාලිත කොහොන මහතා මේ බව පවසා ඇත්තේ විදෙස් මාධ්‍යයකට සම්මුඛ සාකච්ඡාවක් ලබා දෙමිනි.
එක්සත් ජාතීන්ගේ මහ ලේකම්වරයා ශ්‍රී ලංකාව පිළිබඳව තමාට උපදෙස් ලබා දීම සඳහා කමිටුවක් පත් කිරීම සම්බන්ධයෙන් කළ විමසීමක දී ආචාර්ය පාලිත කොහොන මහතා පවසා ඇත්තේ මේ පිළිබඳව ශ්‍රී ලංකා රජයේ ස්ථාවරය දැනටමත් පළ කර ඇති බවයි.
රටක අභ්‍යන්තර ගැටලු විසඳා ගැනීමේ අයිතිය එම රට සතුව තිබිය යුතු බව පාලිත කොහොන මහතා වැඩිදුරටත් පෙන්වා දෙයි.adaderana
0 comments:
Post a Comment