අනෝමාගෙන්,අනුර‍ගෙන් සී.අයි.ඩීය ප්‍රශ්න කරයි

අපරාධ පරීක්ෂණ දෙපාර්තමේන්තුවේ නිලධාරීන් තමන්ගෙන් ප්‍රකාශයක් සටහන් කර ගැනීමට අවශ්‍ය බව දන්වා ඇතැයි අනෝමා ෆොන්සේකා මහත්මිය පවසයි.
ඒ අනුව අද සවස එකී ප්‍රකාශය සටහන් කර ගැනීම සඳහා කටයුතු යොදන බව තමන්ට ඊයේ දැනුම් දුන් බව අද පැවති මාධ්‍ය හමුවකට සහභාගී වෙමින් අනෝමා ෆොන්සේකා මහත්මිය කියා සිටියාය.
ජ.වි.පෙ පාර්ලිමේන්තු මන්ත්‍රී කණ්ඩායම් නායක අනුර කුමාර දිසානායක මහතාගෙන්ද ප්‍රකාශයක් ලබා ගැනීමට කටයුතු කරන බව දන්වා ඇතැයි ප්‍රචාරක ලේකම් විජිත ෙහ්රත් මහතා පවසයි.
අද පැවති මාධ්‍ය හමුවකට සහභාගී වෙමින් විජිත හේරත් මහතා කියා සිටියේ 23-24 යන දෙදින තුළ එකී ප්‍රකාශය සටහන් කර ගැනීමට නියමිත බව දැනුම් දී ඇති බවයි.
රාජ්‍ය විරෝධී කුමන්ත්‍රණ කළ බවට බොරු චෝදනා නඟා අත්අඩංගුවට ගනු ලැබූ ජෙනරාල් සරත් ෆොන්සේකා මහතාට එරෙහිව ගොනු කළ චෝදනා ඔප්පු කර ගැනීමට නොහැකිව යුද අධිකරණය අසරණ වී ඇතැයි ද විජිත හේරත් මන්ත්‍රීවරයා කියා සිටියේය. ඒ හේතුවෙන් ජෙනරාල් සරත් ෆොන්සේකා මහතාට සහය පළ කළ දේශපාලන නායකයින්ගෙන් පවා ප්‍රශ්න කරන තැනකට ආණ්ඩුව තල්ලු වී ඇතැයිද හෙතෙම වැඩිදුරටත් සඳහන් කළේය/adaderana