අම්බලන්තොට , සූරිය වැව ප්‍රදේශයේ සිදු වූ හදිසි අනතුරකින් පුද්ගලයින් දෙදෙනෙකු ජීවිතක්ෂයට පත් වී තිබේ.
සූරිය වැව ගල් වැව මංසන්ධියේ විදුලි කණුවක නඩත්තු කාර්යයක නිරතව සිටි සේවකයින් දෙදෙනෙකු මෙම අනතුරට මුහුණ දී ඇති බව සඳහන් වේ.
සේවකයින් අතින් විදුලි කම්බියක් මාර්ගයට වැටී ඇති අතර එම අවස්ථාවේ මාර්ගයේ ගමන් ගත් ලොරි රථයක එම විදුලි කම්බිය පැටලී අඩි 60 ක් පමණ ඈතට ඇදී ගොස් ඇති බව පොලිසිය පවසයි.
මේ නිසා විදුලි කණුවේ නැඟ කිසියම් කාර්යයක නිරත වී සිටි සේවකයින් දෙදෙනා එයින් ඇද වැටී ඇති අතර බරපතල තුවාල ලැබූ ඔවුන් රෝහල් ගත කිරීමෙන් අනතුරුව මිය ගොස් ඇති බව සඳහන් වේ.
අනතුරින් තවත් සේවකයෙකුද තුවාල ලබා තිබේ.adaderana
0 comments:
Post a Comment