පොලීසිය කඳුළු ගෑස් පෙරහුරුවක

ජෙනරාල් සරත් ෆොන්සේකා මහතා නීති විරෝධී ලෙස අත්අඩංගුවට ගැනීමට විරෝධය පාමින් මාතර බස් නැවතුම්පොල ඉදිරිපිට අද (10) සවස පැවැති සාමකාමී උද්ඝෝෂණයට ද පොලීසිය විසින් බැටන් හා කඳුළු ගෑස් ප්‍රහාර එල්ලකොට රැස්ව සිටි පිරිස් විසුරුවා හරින ලදී.
සාගල රත්නායක, ජිනදාස කිතුලෙගොඩ සහ ප්‍රේමසිරි මානගේ යන මන්ත්‍රීවරු ද මෙම විරෝධතාවට එක්ව සිටියහ.
ඉතා සාමකාමී ලෙස රැඳී සිටි පිරිස අතරට පැමිණි මාතර මූලස්ථාන පොලිස්පතිවරයා, පස් දෙනකුට වඩා එකට රැඳී සිටින්නට ඉඩනොදිය නැති බවත්, උද්ඝෝෂණ කරන්නට ඉඩදිය නොහැකි බවත් පැවැසීමෙන් පසු පිරිස එයට විරෝධය පෑමත් සමඟ කඳුළු ගෑස් ප්‍රහාරය එල්ලවිය.
මේ අතර එම සිද්ධිය ඡායාරූප ගත කරමින් සිටි මාධ්‍යවේදියකුගේ සෙලියුලර් කැම්රාවේ සටහන් කරගෙන තිබූ පින්තූර පොලීසිය විසින් මකා දමා සෙලියුලරය ආපසු දී ඇත.
මේ සිද්ධියේදී තිදෙනකු පොලීසිය විසින් අත්අඩංගුවට ගෙන පොලීසියට ගෙන යන ලදී. lanakaenews