රැඳවුම් මධ්‍යස්ථාන 8 ක් ස්ථාපිත කරන බවට පොලිස්පතිවරයා ගැසට් නිවේදනයක් මගින් ප්‍රකාශයට පත් කර ඇතිවග ජ.වි.පෙ ප්‍රචාරක ලේකම් විජිත හේරත් මහතා පවසයි.
පෙබරවාරි මස 08 වෙනි දින නිකුත් කරන ලද ගැසට් නිවේදනයේ පනාගොඩ හමුදා මූලස්ථානය,නාවික හමුදා මූලස්ථානය,යුද හමුදා මූලස්ථානය,යුද හමුදා පොලිස් බලකා මූලස්ථානය ආදී ස්ථාන 8 ක් රැඳවුම් මධ්‍යස්ථාන ලෙස ප්‍රකාශයට පත් කර තිබුණු බව හෙතෙම කියා සිටියි.
සරත් ෆොන්සේකා මහතා අත්අඩංගුවට ගැනීම සිදු කරනු ලැබුවේ 8 දා රාත්‍රියේ බවත් ,එදින උදෑසන මෙම ගැසට් නිවේදනය නිකුත් කර තිබුණු බවත් ඔහු සිහිපත් කළේ අද පැවති මාධ්‍ය හමුවකදීය.
ඒ අනුව ආණ්ඩුව රැඳවුම් මධ්‍යස්ථාන හෙවත් සිර කඳවුරු කල් තියා සාදා දිගින් දිගටම විරුද්ධවාදීන් අත්අඩංගුවට ගැනීමට කටයුතු කරමින් සිටින බව මන්ත්‍රීවරයා වැඩිදුරටත් කියා සිටියේය.
0 comments:
Post a Comment