නවීන් නාම යෝජනා කමිටුවේ ගුටි හවුමාරුවකJanuary 24, 2011 03:55 pm

රාජ්‍ය කළමනාකරණ හා ප්‍රතිසංස්කරණ අමාත්‍ය නවීන් දිසානායක මහතා එක්සත් ජනතා නිදහස් සන්ධානයේ නාම යෝජනා කමිටුවේ ප්‍රධානියෙකු සමග ගුටි හුවමාරුවක නිරත වී තිබේ.

අද(24)එක්සත් ජනතා නිදහස් සන්ධානයේ නාම යෝජනා අත්සන් කිරීම කොළඹ මහවැලි කේන්ද්‍රයේදී සිදුකෙරිණි.

එම අවස්ථාවට විමල් වීරවංශ,ඩබ්.ඩී.ජේ සෙනෙවිරත්න,නවීන් දිසානායක ඇතුළු අමාත්‍යවරුන් රැසක් සහභාගී වී තිබේ.

එහෙත් නාම යෝජනා අත්සන් කෙරෙන අතරතුරදී රාජ්‍ය කළමනාකරණ හා ප්‍රතිසංස්කරණ අමාත්‍ය නවීන් දිසානායක මහතා සහ එක්සත් ජනතා නිදහස් සන්ධානයේ නාම යෝජනා කමිටුවේ ප්‍රධානියෙකු අතර උණුසම් වචන හුවමාරුවක් සිදුවී පසුව එය ගුටි බැට හුවමාරුවක් දක්වා වර්ධනය වූ බව අද දෙරණ වාර්තාකරු පවසයි.