18 වංගුව වැසීමට එරෙහිව උද්ඝෝෂණයක්

මහියංගණය, මහනුවර ප්‍රධාන මාර්ගය 18 වංගුව ස්ථානයෙන් වසා දැමීමට විරෝධය පළ කරමින් මේ වන විට දැවැන්ත උද්ඝෝෂණ ව්‍යාපාරයක් පැවැත්වේ.

මෙම මාර්ගය වසා දැමීම හේතුවෙන් ප්‍රදේශ රැසක ජනතාව දැඩි දුෂ්කරතාවකට පත්ව ඇති බව උද්ඝෝෂකයින් අවධාරණය කරයි.

මාර්ගය වැසීමට හේතු වු කරුණු සම්බන්ධයෙන් මේ වන තෙක් බලධාරීන් දන්වා නැතැයිද ඔවුන් පවසයි.

මෙම මාර්ගය වසා දැමීම‍ හේතුවෙන් උඩුදුම්බර පොලිස් වස‍මේ ග්‍රාම නිලධාරී කොට්ඨාස 72ක ජනතාව දුෂ්කරතාවට පත්ව ඇති බව උද්ඝෝෂණයට එක්වෙමින් අදහස් දැක්වු "දුම්බර සුරකීමේ සංවිධානයේ" සභාපති සාලින්ද දිසානායක මහතා සඳහන් කළේය.

මේ සම්බන්ධයෙන් වහා අවධානය යොමුකොට මාර්ගය යළි විවෘත කර‍න ලෙස ඔහු අවධාරණය කර සිටියේය