නැටුම් සංදර්ශනවලට යැයි පවසා ශ්‍රී ලාංකික තරුණියන් සිංගප්පූරුවට රැගෙන ගොස් ගණිකා වෘත්තියේ යෙදවීම සම්බන්ධයෙන් අත්අඩංගුවට ගත් ප්‍රධාන සැකකරු රිමාන්ඩ් භාරයේ තැබීමට කොළඹ මහේස්ත්‍රාත් අධිකරණය නියෝග කර තිබේ. රහස් පොලිසිය විසින් මෙම සැකකරු පසුගියදා බේරුවල ප්‍රදේශයේ දි අත්අඩංගුවට ගනු ලැබීය.
අත්අඩංගුවට ගත් සැකකරු ඊයේ අධිකරණයට ඉදිරිපත් කිරීමෙන් අනතුරුව ලබන 18 වැනිදා දක්වා රිමාන්ඩ් භාරයේ තැබීමට කොළඹ ප්‍රධාන මහේස්ත්‍රාත් රශ්මි සිංගප්පුලි මහතා නියෝග කළේය. සිංගප්පූරුවේ ශ්‍රී ලංකා මහ කොමසාරිස්වරයා රහස් පොලිසියට කරන ලද පැමිණිල්ලකට අනුව රහස් පොලිසිය මෙම පරීක්ෂණ ආරම්භ කළ අතර මේ ආකාරයට අතවරයට පත් තරුණියන් රැසක් සිංගප්පූරුවේ දී හමුවී ඇති බව ඔවුන් අධිකරණයට දැනුම් දී ඇත. ඔවුන්ගෙන් ප්‍රශ්න කර ප්‍රකාශ සටහන් කරගැනීමට තීරණය කළ බව ද රහස් පොලිසිය අධිකරණයට දැනුම් දී තිබේ. adaderana.lk
0 comments:
Post a Comment