කැනේඩියානු මුහුදු සීමාවට ළඟා වී ඇති ශ්‍රී ලාංකික සංක්‍රමණිකයින් රැගත් නෞකාව තුළ පුද්ගලයින් 490 දෙනෙකු පමණ සිටින බව කැනඩාව පවසයි. මේ වන විට නෞකාව කැනේඩියානු වෙරළ සමීපයට පැමිණ ඇති බව කැනේඩියානු රජයේ මහජන ආරක්ෂාව පිළිබඳ අමාත්‍ය වික්ටොවුස් මහතා පවසයි. මෙම නෞකාව තුළ මිනිස් ජාවාරම්කරුවන් ඇතුළු අපරාධවලට සම්බන්ධ පුද්ගලයින් සිටින බවට වාර්තා වන බව වික්ටොවුස් මහතා ප්‍රකාශ කළේය.
ඊයේ දිනයේ කැනේඩියානු මුහුදු සීමාවට පැමිණි මෙම නෞකාව එරට නාවික හමුදා භාරයට ගෙන ඇති බව සඳහන්ය. කැනේඩියානු රජය මේ සම්බන්ධයෙන් දැඩි අවධානයෙන් සිටින අතර අනවසර සංක්‍රමණිකයින්ට කැනඩාවට ඇතුළුවීමට ඇති අවස්ථාව අවම කිරීමට මින් ඉදිරියට කටයුතු කරන බව වික්ටොවුස් මහතා වැඩිදුරටත් අවධාරණය කරයි.adaderana.lk
0 comments:
Post a Comment