අසාධ්‍ය ඩෙංගු රෝගීන් සඳහා ලබාදෙන"ඩෙක්ස්ට්‍රන් ෆෝටි" නමැති ඖෂධ නික්ෂේපන තොගයක් නොමිලේ ලබාදීමට පිලිපීන ඖෂධ සමාගමක් එකඟතාව පළ කර තිබේ.
ශ්‍රි ලංකා ඖෂධ කර්මාන්තකරුවන්ගේ සංගමයේ සභාපති ආනන්ද සමරසිංහ මහතා පවසන පරිදි මිලිලීටර් 500 බැගින් වු ඖෂධ බෝතල් 400ක් මීට අයත් වේ.
මෙම ඖෂධය අසාධ්‍ය ඩෙංගු රෝගීන්ගේ රුධිර තරල ප්‍රසාරණය සඳහා ශීරාගත ඖෂධයක් වශයෙන් භාවිතයට ගැනේ. අදාළ ඖෂධ තොගය ඉදිරි දෙසතිය තුළ සෞඛ්‍ය අමාත්‍යාංශයට ලැබීමට නියමිතය.
ලෝක සෞඛ්‍ය සංවිධානය විසින් ද මෙම ඖෂධ බෝතල් 1,200ක් පමණ පසුගියදා සෞඛ්‍ය අමාත්‍යාංශයට ලබාදී තිබුණි.
adaderana.lk
0 comments:
Post a Comment