ශ්‍රී ලංකාවේ කඩිනම් සංවර්ධන කටයුතු සඳහා සහය දැක්වීමට ප්‍රංශ රජය තීරණය කර තිබේ. ශ්‍රී ලංකාවේ ප්‍රංශ තානාපති ක්‍රිස්ටීන් රොබිෂන් මහත්මිය ඊයේ අග්‍රාමාත්‍ය දි. මු. ජයරත්න මහතා හමුවූ අවස්ථාවේ මේ බව සඳහන් කළාය. ශ්‍රී ලංකාව යුද්ධය නිමාකර අලුත් මාවතක ගමන් කරමින් වේගවත් සංවර්ධනයක් අරඹා ඇති වර්ත‍මානයේ එහි ප්‍රමුඛ හවුල්කරුවෙකු වීමට ප්‍රංශයට හැකිවී ඇති බව ප්‍රංශ තානාපතිනිය පවසයි.
උතුරු නැගෙනහිර ඇතුළු දිවයිනේ විවිධ ප්‍රදේශවල සංවර්ධන කටයුතු සඳහා ප්‍රංශ රජය දැනටමත් දායක වී සිටින බව ක්‍රිස්ටීන් රොබිෂන් මහත්මිය සඳහන් කළාය. ප්‍රංශ රජය ශ්‍රී ලංකාවේ සංවර්ධන ක්‍රියාවලියට ලබාදී ඇති දායකත්වය අතිශයින් අගය අතර එම දායකත්වය ඉදිරියටත් බලාපො‍රොත්තු වන බව මෙහිදී අග්‍රාමාත්‍ය දි.මු. ජයරත්න මහතා පැවසුවේය. adaderana.lk
0 comments:
Post a Comment