විපක්ෂ නායක රනිල් වික්‍රමසිංහ මහතා විසින් ජනාධිපති මහින්ද රාජපක්ෂ මහතා හමුවී දැනට හමුදා බාරයේ පසුවන ජෙනරාල් සරත් ෆොන්සේකා මහතා නිදහස් කරන්නැයි ඉල්ලා තිබේ.
අද පෙරවරුවේ ජනාධිපති මන්දිරයේ දී ජනාධිපතිවරයා හමුවී මෙම ඉල්ලීම කළ බව විපක්ෂ නායක කාර්යාලය නිකුත් කළ නිවේදනයක දැක්වේ.
මේ වන විට ඊට අදාල මූලික අයිතිවාසිකම් පෙත්සමක් අධිකරණයට ඉදිරිපත්ව ඇති හෙයින් ලැබෙන තීන්දුව අනුව ඉදිරියට කටයුතු කළ හැකි බව ජනාධිපතිවරයා විසින් මෙහිදී පෙන්වා දී තිබේ.
සරත් ෆොන්සේකා මහතා හමුවී සාකච්ඡා කිරීමට විශේෂ අවසරයක් ලබා දෙන ලෙස ද විපක්ෂනායකවරයා ජනාධිපතිවරයාගෙන් ඉල්ලා ඇති බව නිවේදනයේ වැඩිදුරටත් සඳහන් වේ.
0 comments:
Post a Comment