Friday, February 12, 2010
ඡන්ද පෙත්සම වැළැක්වීමේ ආණ්ඩුවේ කුමන්ත්‍රණය අධිකරණය හමුවේ පරාජයට පත්වුණා - සෝමවංශ අමරසිංහ
ජෙනරාල් සරත් ෆොන්සේකා මහතා පැහැර ගෙන ගොස් ඔහු ඉදිරිපත් කිරීමට නියමිතව තිබූ ඡන්ද පෙත්සම වැළැක්වීමේ ආණ්ඩුවේ කුමන්ත්‍රණය ශ්‍රේෂ්ඨාධිකරණය හමුවේ අද පරාජයට පත්වූ බව ජනතා විමුක්ති පෙරමුණේ නායක සෝමවංශ අමරසිංහ මහතා පැවසීය.
ඒ මහතා මේ බව පැවසූවේ ජනරාල් සරත් ෆොන්සේකා මහතා විසින් ශ්‍රේෂ්ඨාධිකරණය හමුවේ ගොනුකර තිබූ මූලික අයිතිවාසිකම් පෙත්සම අධිකරණයේදී විභාගයට ගැනීමට අවසරදීමෙන් පසුව මාධ්‍යවෙත අදහස් දක්වමිනි.
එහිදී අදහස් දැක්වූ අමරසිංහ මහතා, "සරත් ෆොන්සේකා මහතා පැහැරගෙන යාමේ ප්‍රධාන හේතුව ජනාධිපතිවරණ මැතිවරණ ප්‍රතිඵලයට එරෙහිව එතුමා ඉදිරිපත් කරන ඡන්ද පෙත්සම වැලැක්වීම ලෙසයි අප දකින්නේ. ආණ්ඩුව එය වලක්වන්නේ වෙන යමක් නිසා නොවෙයි. ආණ්ඩුව ඡන්ද නීති උල්ලංඝනය කළා ඊට සාක්ෂි තියනවා, එනිසා ආණ්ඩුව බයේ ඉන්නේ.
නමුත් අද ශ්‍රේෂ්ඨාධිකරණය ඡන්ද පෙත්සමක් ගොනු කිරීමට එතුමාට අවශ්‍ය කරන සියලු කටයුතු සිදුකිරීමේ අවස්ථාව අවසරය ලබාදුන්නා. එය යුක්තිය සාධාරණත්වය වෙනුවෙන් ලැබූ ජයග්‍රහණයක්. අපි විශ්වස කරනවා එළඹෙන 23 වැනිදා ෆොන්සේකා මහතා ඔහුට නගා ඇති සියලු චෝදනාවලින්ද නිදහස් වෙයි කියලා. " යැයි පැවසූහ.
0 comments:
Post a Comment