ශ්‍රී ලංකාවේ මානූෂීය මෙහෙයුම පැවති අවසන් කාලයේ දී සිවිල් වැසියන් හතළිස් දහසක් පමණ ඝාතනයට ලක්ව ඇති බවට එක්සත් ජාතීන්ගේ සංවිධානයේ හිටපු ප්‍රකාශක ගෝර්ඩන් වයිස් කර ඇති ප්‍රකාශය රජය දැඩි ලෙස ප්‍රතික්ෂේප කරයි.
ආපදා කළමනාකරණ සහ මානව හිමිකම් අමාත්‍යාංශ ලේකම් මහාචාර්ය රජිව් විජේසිංහ මහතා පවසන්නේ මීට පෙරද ඔහු එවැනි අසත්‍ය ප්‍රකාශන නිකුත් කර ඇති බවයි.
ගෝර්ඩන් වෙයිස් ඕස්ට්‍රේලියානු මාධ්‍යයක් සමඟ පැවති සාකච්ඡාවක දී ශ්‍රී ලංකාව පිළිබඳව දීර්ඝ ලෙස අදහස් පළ කර තිබේ. එහි දී ඔහු සඳහන් කර ඇත්තේ ලක්ෂ තුනක පමණ සිවිල් වැසියන් පිරිසකට මානූෂීය මෙහෙයුම හේතුවෙන් උන්හිටි තැන් අහිමි වී ඇති බවයි.
කෙසේ වුවද මානූෂීය මෙහෙයුම පැවති කාලයේ දී කිසිදු අයරකින් මානව හිමිකම් උල්ලංඝණය කිරීමක් හෝ සිවිල් වැසියන් ඝාතනය කිරීමක් සිදු නොවූ වග රජයේ ස්ථාවරය බව රජිව් විජේසිංහ මහතා වැඩිදුරටත් සඳහන් කරයි. adaderana
0 comments:
Post a Comment