ඉදිරි මහ මැතිවරණයට අදාල අපේක්ෂකයින් තෝරා ගැනි‍මේ දී යහපත් දේශපාලන සංස්කෘතියක් ඇති කිරීමට ඉවහල් වන පිරිස් තෝරා ගන්නා ලෙස පැෆ්රල් සංවිධානය සියලු දේශපාලන පක්ෂ වලින් ඉල්ලීමක් කරයි.
විධායක අධ්‍යක්ෂ රෝහණ හෙට්ටිආරච්චි මහතා පෙන්වා දෙන්නේ සාපරාධි ප්‍රචණ්ඩ ක්‍රියාවන්හි නොයෙදුනු සහ විනයානුකූල ආදර්ශමත් පිරිස් සිය අපේක්ෂක ලයිස්තුවෙත ඇතුළත් කෙරෙන්නේ නම් එය යහපත් දේශපාලන සංස්කෘතියකට ඉවහල් වනු ඇති බවයි.
ඊට අමතරව රටේ නීතිය පිලිපැදීමට සහ ගරු කිරීමටත් නීතිය ක්‍රියාත්මක කිරීමේදී ඊට බාධා නොකිරීමටත් ක‍ටයුතු කරන පිරිස් අපේක්ෂකයින් ලෙස තෝරා ගැනීම වැදගත් බව පැෆ්රල් සංවිධානය පවසයි.
එවැනි පිරිස් තුළින් තෝරා ගන්නා ජනතා නියෝජිතයින් මගින් ජනතා අභිලාෂයන් ඉටුකරන ව්‍යවස්ථාදායකයක් ගොඩනැගෙන බව පැෆරල් සංවිධානයේ විශ්වාසය වී තිබේ.
0 comments:
Post a Comment