ජනරාල් සරත් ෆොන්සේකා මහතා වෙනුවෙන් ශ්‍රේෂ්ඨාධිකරණය වෙත ගොනු කළ මූලික අයිතිවාසිකම් පෙත්සම අද සලකා බැලීමට නියමිතව තිබේ.
අගවිනිසුරු අශෝක එන් ද සිල්වා මහතා‍‍ගේ ප්‍රධානත්වයෙන් යුත් ත්‍රිපුද්ගල විනිසුරු මඩුල්ලක් විසින් අද එය සලකා බලනු ඇතැයි සඳහන් වේ. සරත් ෆොන්සේකා මහතා වෙනුවෙන් ඔහුගේ බිරිඳ වන අනෝමා ෆොන්සේකා මහත්මිය සහ නව ප්‍රජාතන්ත්‍රවාදී පෙරමුණේ ලේකම් ෂාමිලා පෙරේරා මහත්මිය විසින් මෙම පෙත්සම ගොනුකර තිබේ.
සරත් ෆොන්සේකා මහතා එහි තුන්වන පෙත්සම්කරු ලෙස සඳහන් කර ඇත.
ෆොන්සේකා මහතා අත්අඩංගුවට ගැනීම නිතී විරෝධී බවත්, ඔහු මුදා හරින්නැයි නියෝගයක් නිකුත් කරන ලෙසත්, ඔහුගේ මූලික අයිතිවාසිකම් උල්ලංඝණය වී ඇති බවට ප්‍රකාශයක් නිකුත් කරන ලෙසත් පෙත්සම්කරුවන් මෙමගින් ශ්‍රේෂ්ඨාධිකරණයෙන් ඉල්ලා සිටියි.
0 comments:
Post a Comment