කොළඹ - රත්නපුර ප්‍ර‍ධාන මාර්ගයේ අවිස්සාවේල්ල, තුන්මෝදර මංසන්ධිය ආසන්නයේ දී සිදුවූ රිය අනතුරකින් පුද්ගලයෙකු මියගොස් තිබේ.
අනතුරින් බරපතල තුවාල ලැබූ තවත් අයෙකු අවිස්සාවේල්ල රෝහලට ඇතුළත් කිරීමෙන් පසු කොළඹ ජාතික රෝහලට මාරු කර යවා ඇති බව පොලිස් මාධ්‍ය ප්‍රකාශකවරයා සඳහන් කරයි.
ලොරි රථයක්, ත්‍රීරෝද රථයක් සහ යතුරු පැදියක් එකිනෙක ගැටීමෙන් මෙම අනතුර සිදුව තිබේ.
මියගිය සහ තුවාල ලැබූ පුද්ගලයින් දෙදෙනා යතුරු පැදියේ ගමන් ගත් අය බව පොලිසිය පවසයි.
සිද්ධිය සම්බන්ධයෙන් ලොරි රථයේ රියදුරු අත්අඩංගුවට ගෙන ඇති අතර ඔහු අද අවිස්සාවේල්ල මහේස්ත්‍රාත් අධිකරණයට ඉදිරිපත් කිරීමට නියමිතය. adaderana.lk
0 comments:
Post a Comment