ශ්‍රී ලංකාවේ අමාත්‍යවරයෙකුගේ මූලිකත්වයෙන් එක්සත් ජාතීන්ට එරෙහිව ශ්‍රී ලංකාවේ විරෝධතා ව්‍යාපාරයන් මතු වීමෙන් පසු නේපාලයේ අගමැතිවරයාද එක්සත් ජාතීන්ට සිය විරෝධය පාන්නට පටන්ගෙන තිබේ.
එක්සත් ජාතීන් විසින් හිමාලයානු සමූහාණ්ඩුවේ දුර්වල සාම ක්‍රියාදාමය තවදුරටත් කඩාකප්පල් කිරීමට තැත් කරන බවට නේපාල භාරකාර ආණ්ඩුවේ අගමැති මාදව් කුමාර් නේපාල් මහතා තද බල විවේචනයක් කරන බව අයි.ඒ.එන්.එස් ප්‍රවෘත්ති සේවය උපුටා දක්වයි.
නේපාලයේ ක්‍රියාත්මක වූ එක්සත් ජාතීන්ගේ දේශපාලන ඒකකය මගින් නේපාලයේ අවසරයෙකින් තොරව දේශපාලන සැලසුමක් බලහත්කාරයෙන් පටවන්නට උත්සාහ දරන බවට හෙතෙම චෝදනා කර ඇත. නේපාලයේ එක්සත් ජාතීන්ගේ මෙහෙයුම යටතේ 19000 ක් පමණ වන මාඕවාදී ගරිල්ලන් එක්සත් ජාතීන් ගේ අධීක්ෂණය යටතේ සිටින බවත්,ඒ අය වෙනුවෙන් නේපාලයේ අවසරයකින් තොරව දේශපාලන සැලසුමක් ඉදිරිපත් කරන්නට කටයුතු කරන බවද භාරකාර ආණ්ඩුවේ අගමැතිවරයා පෙන්වාදෙයි.
ඒ අනුව එක්සත් ජාතීන් විසින් සති 60 ක් ඇතුළත නේපාලයේ අභ්‍යන්තර කටයුතු පිළිබඳ තීරණයක් ගැනීමට සැලසුමත් සම්පාදනය කොට එකී සැලසුම ආණ්ඩු පක්ෂයට හා විපක්ෂයට ඉදිරිපත් කිරීමට පියවර ගෙන ඇති බවත් එසේ වුවද මාඕවාදීන් තමන්ට අනන්‍ය වූ සැලැසුමක් සම්පාදනය කොට ඉදිරිපත් කරන්නට නියමිතව ඇති බවත් එසේ වුව මාඕවාදී ගරිල්ලනගේ නියමිත දින ගණනට පෙර එක්සත් ජාතීන්ගේ සැලසුම ක්‍රියාත්මක වීමට නියමිත බවත් විදෙස් මාධ්‍ය වාර්තා කරයි.
නේපාලයේ සාම ක්‍රියාදාමයට පවත්නා විශාලතම බාධාව මහජන විමුක්ති හමුදාව බවත්, පාලක පක්ෂය විසින් මේ වන විට සමගාමීව පවතින හමුදාව මුළු මනින්ම අහෝසි කරන ලෙස ඉල්ලා සිටියද මාඕවාදීන් ලේ ඉල්ලීම වන්නේ මේ සියල්ලන් රටේ ජාතික හමුදාවට අනුයුක්ත කරගැනීමයි.
එසේ වුව ද මාඕවාදී නායක ප්‍රචණ්ඩා වරෙක එකගතාවයකට පැමිණෙමින් ප්‍රකාශ කර තිබුණේ ජාතික හමුදාවට ඇතුළත් කරගත යුත්තේ සිය සාමාජිකයන් 5000-7000 ක ප්‍රමාණයක් පමණක් බවයි. මෙවැනි පසුබිමක් තුළ අලුත් ව්‍යවස්ථාවක් සම්පාදනය කිරීමට හෝ හිටපු අගමැති ඉල්ලා අස්වි දින 10 ට පසුවත් නව රජයක් ස්ථාපිත කිරීමට බාධාවත් වී තිබෙන බවත් නේපාල භාරකාර ආණ්ඩුවේ අගමැති මාදව් කුමාර් පවසා ඇත.
"ව්‍යවස්ථාවක් සම්පාදනය කිරීමට දෙන්නේ මාස 11 යි.ඒ අතරතුරේදී එක්සත් ජාතීන් මහජන විමුක්ති හමුදාව පුනරුත්ථාපනය කර සමාජ ගත් කරන්නට මාස 14 ක් දෙනවා.මෙය හුදෙක් ව්‍යවස්ථාවක් සම්පාදනය කිරීමට දක්වන උත්සාහය කඩාකප්පල් කිරීමක් පමණයි"හෙතෙම සඳහන් කර තිබේ.
එක්සත් ජාතීන්ට සෘජුව ඇඟිල්ල දිගු නොකළ ද නේපාල භාරකාර අගමැතිවරයා"බාහිර පුද්ගලයින් තමන් නොඉල්ලන යෝජනා ඉදිරිපත් කිරීමෙන් වැළකී සිටිය යුතු"බව පවසා තිබේ. adaderana
0 comments:
Post a Comment