ජනතාවාදී ව්‍යවස්ථා සංශෝධනයක් සඳහා සහය දෙන්න සූදානම් බවත්, පවුල්වාදී ව්‍යවස්ථා සංශෝධනයක් සඳහා ආණ්ඩුවට සහය දෙන්න සූදානම් නැති බවත් විපක්ෂ නායක රනිල් වික්‍රමසිංහ මහතා පවසයි.
එහෙත් ව්‍යවස්ථා සංශෝධනයක් තුළින් රටේ ජනතාවගේ කුස ගින්න නිවීමට හැකියාවක් නැති නිසා ජනතාවගේ කුස ගින්න නිවාදැමීමට හැකි වැඩ පිළිවෙළක් ක්‍රියාවට නංවනතුරු උද්ඝෝෂණ ව්‍යාපාරයක් දියත් කිරීමට පියවර ගත් බව ද හෙතෙම කියා සිටියේය.
මෙම උද්ඝෝෂණ ව්‍යාපාරය සරත් එළියට ගැනීමේත් කේ.පී ඇතුළට දැමීමේත් උද්ඝෝෂණයක් බවත්,විමල් වීරවංශට මෙන්ම විරෝධය දැක්වීමට තම පක්ෂයටද අයිතියක් ඇති බවත් හෙතෙම කියා සිටියේ ජනතාව දැනුවත් කිරීමේ උද්ඝෝෂණ මාලාවේ මංගල උද්ඝෝෂණය අද කඩවත නගරයේ පවත්වමින් සිටින අතරතුරේදීය.
තමා අද උදෑසන ජනාධිපතිවරයාගේ ආරාධනාවකට අනුව ව්‍යවස්ථා සංශෝධනයක් සිදුවිය යුත්තේ කෙසේද යන්න පිළිබඳ සාකච්ඡාවක් සඳහා සහභාගී වූ බවත්,තමන්ට ඒ පිළිබඳ තනි තීරණ ගන්නට සූදානම් නැති නිසා ඒ පිළිබඳ විශේෂ නියෝජිත පිරිසක් සමග යළි සාකච්ඡා කළ යුතු බව දැනුම්දුන් බවත් ,ඒ අනුව ලබන සඳුදා දින සවස අදාළ සාකච්ඡාව යළි පවත්වන බවත් විපක්ෂ නායකවරයා වැඩිදුරටත් කියා සිටියේය. adaderana
0 comments:
Post a Comment