ආණ්ඩුව පරණ බස් එකටම අලුත් බෝඩ් ලෑල්ලක් දාගෙන ගමන් අරඹා ඇතත් මේ යන්නේ අලුත් ගමනක් නොව පරණ ගමන පමණක් බව ප්‍රජාත්නත්‍රවාදී ජාතික සන්ධානයේ පාර්ලිමේන්තු කණ්ඩායම් නායක අනුර කුමාර දිසානායක මහතා පවසයි.
අමාත්‍ය මණ්ඩලය සීමා කරන බව කීවද පසුගිය අමාත්‍ය මණ්ඩලයේ සිටි සියලුම අයටමත් අමාත්‍ය පදවි හෝ නියෝජ්‍ය අමාත්‍ය පදවි ලබා දී ඇති බවත්,මීට අමතරව අලුත්ම අයටත් අමාත්‍ය පදවි ලබා දි ඇති බවත් හෙතෙම කියා සිටියේය.
අති විශේෂ ගැසට් නිවේදනයක් මගින් ඒ ඒ අමාත්‍යංශ වලට හිමි ආයතන හා සංස්ථා මොනවාද යන්න පිළිබඳ ප්‍රකාශයට පත් කර ඇතද එයින් ආයකන 78 ක් ම ජනාධිපතිවරයා තමාගේ බලය යටතට පවරාගෙන ඇති බව අනුර කුමාර දිසානායක මහතා පැවසීය. ඒ අනුව අයවැයෙන් 80%-90% ක් පමණ ජනාධිපතිවරයා වෙන් කරගනු ඇති බවට ඔහු විශ්වාසය පළ කළේය.adaderana
තමන්ට හිමි අලුත් අමාත්‍යංශය බාර ගන්නා සියලුදෙනාම එකී අමාත්‍යංශය පෙර බාර ගෙන කටයුතු කළ ඇමතිවරයා යටතේ අක්‍රමිකතා හා වංචා සිදුව ඇති බව ප්‍රසිද්ධියේ කියද්දී අදාළ අමාත්‍යවරයා පෙර සිටි අමාත්‍යංශයට පත්ව ආ අනෙක් අමාත්‍යවරයා ද ඒ කතාවම කියන බවත් සඳහන් කරමින් දිසානායක මහතා කියා සිටියේ මේ අයුරින් සියලුම ඇමතිවරුන් කවුද හොරා කියමින් එකිනෙකාට ඇඟිල්ල දිගු කරන තත්ත්වයට පත්ව ඇති බවයි.
0 comments:
Post a Comment