සෝමාවතිය ප්‍රදේශයට ඇදහැලුණු ධාරාණිපාත වර්ෂාවෙන් එකී ප්‍රදේශය ජලයෙන් යටවීමෙන් වන්දනාවේ ගිය පුද්ගලයන් දෙදෙනෙකු ජීවිතක්ෂයට පත් වී 23 දෙනෙකු රෝහල් ගත කර තිබේ.
රෝහල්ගත කළ පිරිසෙන් බරපතල ලෙස තුවාල ලැබූ දෙදෙනෙකු මේ වන විටත් කොළඹ ජාතික රෝහළට මාරු ක ර එවා ඇති බව රෝහල් ආරංචි මාර්ග සඳහන් කරයි. මිය ගිය දෙදෙනා ගලේවෙල සහ වැලිමඩ යන ප්‍රදේශවල පදිංචිකරුවන් බව තහවුරු වී ඇත.
මේ වන විටත් කොටුවී පීඩාවට පත්ව ඇති ජනයාට ගුවන් මගින් ආහාර ද්‍රව්‍ය ලබා දෙන බවත්,ඔවුන් බේරා ගැනීම සඳහා කටයුතු කරමින් සිටින බවත් වාර්තා වේ.
අධික වර්ෂාව හේතුවෙන් මේ වන විට සෝමාවතිය ප්‍රදේශයේ සියලු මං මාවත් ජලයෙන් යටවී ඇති බවද සඳහන් වේ. adaderana
0 comments:
Post a Comment