මේ වසරේ ගත වූ පළමු කාර්තුව තුළ ඒඩ්ස් රෝගය වැළඳීමෙන් පුද්ගලයින් 6 දෙනෙකු ජීවිතක්ෂයට පත් වී ඇති බව සෞඛ්‍ය අමාත්‍යාංශය පවසයි. ජාතික ඒඩ්ස් මර්දන ව්‍යාපාර‍යේ වාර්තා වලට අනුව පළමු කාර්තුව තුළ එච්.අයි.වී ආසාදනය වූ පුද්ගලයින් 1223 දෙනෙකු හඳුනා ගෙන තිබේ.
එයින් 313 දෙනෙකු ඒඩ්ස් රෝගයට ගොදුරු වී ඇති බව වාර්තා වන අතර එයින් 212 දෙනෙකු පිරිමින්ද 101 දෙනෙකු කාන්තාවන්ද සිටින බව සඳහන් වේ. මෙම තත්ත්වය පසුගිය වසරට සාපේක්ෂව ඉහළ යාමක් බව සෞඛ්‍ය අංශ පෙන්වා දෙයි.
පසුගිය වසර තුළ ඒඩ්ස් රෝගය වැළඳීමෙන් මෙරට පුද්ගලයින් 16 දෙනෙකු ජීවිතක්ෂයට පත් වී ඇති අතර පළමු කාර්තුව තුළ ජීවිතක්ෂයට පත් වී ඇත්තේ පුද්ගලයින් තිදෙනෙකු පමණයි.
ඒ අනුව 2009 වසරේ පළමු කාර්තුවට සාපේක්ෂව මේ වසරේ පළමු කාර්තුව තුළ ඒඩ්ස් රෝගය වැළඳීමෙන් මිය ගිය සංඛ්‍යාව දෙගුණ වී තිබේ. adaderana
0 comments:
Post a Comment