මෙරට රෝහල් වලට අත්‍යවශ්‍ය ඖෂධ ගෙන්වා ගැනීම සඳහා ගුවන් හමුදාවේ ගුවන් යානා යොදා ගැනීමට සෞඛ්‍ය අමාත්‍යාංශය තීරණය කර තිබේ. සෞඛ්‍ය අමාත්‍ය මෛත්‍රීපාල සිරිසේන මහතා පවසන පරිදි ඒ සඳහා ජනාධිපති මහින්ද රාජපක්ෂ මහතා සහ ආරක්ෂක ලේකම් ගෝඨාභය රාජපක්ෂ මහතා අවසර ලබා දී ඇත.
ඒ අනුව ඉදිරි සතිය ඇතුළත මෙරටට අවශ්‍ය අත්‍යාවශ්‍ය ඖෂධ ගුවන් මඟින් ගෙන ඒමට නියමිත බව සඳහන් වේ. ඉන්දියාවෙන් මෙම ඖෂධ ගෙන්වීමට කටයුතු යොදා ඇති බව සෞඛ්‍ය අමාත්‍ය මෛත්‍රීපාල සිරිසේන මහතා ප්‍රකාශ කළේය.
දිවයින පුරා රෝහල් රැසක පවතින අත්‍යාවශ්‍ය ඖෂධ හිඟයට කඩිනම් පිළියමක් ලෙස මෙම පියවර ගත් බව මෛත්‍රීපාල සිරිසේන මහතා වැඩිදුරටත් සඳහන් කළේය. adaderana
0 comments:
Post a Comment