ජාත්‍යන්තර විශ්ව විද්‍යාල 5ක් මෙරට ආරම්භ කිරීම සඳහා මේ වන විටත් සැලසුම් ඉදිරිපත් කර ඇති බව උසස් අධ්‍යාපන අමාත්‍යාංශය පවසයි.
උසස් අධ්‍යාපන අමාත්‍යාංශ ලේකම් ආචාර්ය සුනිල් ජයන්ත නවරත්න මහතා ප්‍රකාශ කර සිටියේ නව පනත සම්මත කර ගැනීමෙන් අනතුරුව එම විශ්ව විද්‍යාල ආරම්භ කිරීම සඳහා අනුමැතිය ලබා දෙන බවයි.
සුදුසුකම් රාමුව , ප්‍රමිති ආරක්ෂණ සහ වරප්‍රදාන කවුන්සිල් පනත ජාත්‍යන්තර විශ්ව විද්‍යාල මෙරට පිහිටුවීම සඳහා සම්මත කර ගත යුතු බව ලේකම්වරයා ප්‍රකාශ කළේය.
මේ වන විටත් කැබිනට් අනුමැතිය සඳහා මෙම පනත ඉදිරිපත් කර ඇති අතර කැබිනට් අනුමැතිය ලැබීමෙන් පසු පාර්ලිමේන්තුවට ඉදිරිපත් කර පනත සම්මත කර ගැනීමට නියමිතය.
මෙරට ජාත්‍යන්තර විශ්ව විද්‍යාල පිහිටුවීම සඳහා අයදුම්පත් 25ක් පමණ ඉදිරිපත් වූ බව උසස් අධ්‍යාපන අමාත්‍ය ලේකම් සුනිල් ජයන්ත නවරත්න ප්‍රකාශ කළේය.
ඉන්දියාව , ජපානය , ඔස්ට්‍රේලියාව , අමෙරිකාව සහ එංගලන්තය යන රටවලින් මෙම අයදුම්පත් ඉදිරිපත් වී ඇති බව ලේකම්වරයා වැඩිදුරටත් සඳහන් කළේය.
0 comments:
Post a Comment