ලිබියාවේ සිට තවත් පුද්ගලයින් 150 දෙනෙකු පමණ විශේෂ ගුවන් යානයකින් අද දිනයේ(06) මෙරටට ගෙන්වා ගැනීමට කටයුතු කරන බව විදේශ සේවා නියුක්ති කාර්යාංශය පවසයි.
ඊයේ පස්වරුවේ ද ශ්‍රී ලංකන් ගුවන් සමාගමට අයත් විශේෂ ගුවන් යානයකින් ට්‍රිපෝලි හි සිට පුද්ගලයින් 148 දෙනෙකු දිවයිනට ගෙන්වා ගෙන තිබේ.
මීට අමතරව ඊයේ උදෑසන අවස්ථා 4ක දී පුද්ගලයින් 104 දෙනෙකු මෙරටට පැමිණ ඇති බව විදේශ සේවා නියුක්ති කාර්යාංශය ප්‍රකාශ කරයි.
ඒ අනුව මේ වන විට ලිබියාවේ සේවය කළ පුද්ගලයින් 450කට ආසන්න පිරිසක් මෙරටට ගෙන්වා ගැනීමට කටයුතු කර තිබේ.
විදේශ සේවා නියුක්ති කාර්යාංශය ප්‍රකාශ කර සිටියේ ලිබියාවේ උද්ගතව ඇති ගැටුම්කාරී වාතාවරණය හේතුවෙන් මොවුන් මෙරටට ගෙන්වා ගැනීමට කටයුතු කළ බවයි.
0 comments:
Post a Comment