මෙවර පළාත් පාලන මැතිවරණයට අදාළව මැතිවරණ නීතී උල්ලංඝණය කළ පුද්ගලයින් 130 දෙනෙකු අත්අඩංගුවට ගෙන ඇති බව පොලිස් මැතිවරණ මහලේකම් කාර්යාලය පවසයි.
එම කාර්යාලය භාර ජ්‍යෙෂ්ඨ නියෝජ්‍ය පොලිස්පති ගාමිණි නවරත්න මහතා ප්‍රකාශ කර සිටියේ අත්අඩංගුවට ගත් පුද්ගලයින් අධිකරණයට ඉදිරිපත් කිරීමට කටයුතු කර ඇති බවයි.
පසුගිය මැතිවරණ වලට සාපේක්ෂව මෙවර මැතිවරණයේ ප්‍රචණ්ඩ ක්‍රියා වාර්තා වීම අඩුවීමක් දක්නට ලැබෙන බව ද ගාමිණි නවරත්න මහතා ප්‍රකාශ කළේය.
මේ වන විට මැතිවරණයට අදාළව පැමිණිලි 103ක් පොලිස් මැතිවරණ මහලේකම් කාර්යාලයට ලැබී ඇති බව ජ්‍යෙෂ්ඨ නියෝජ්‍ය පොලිස්පති ගාමිණි නවරත්න මහතා කියා සිටියේය.
එම පැමිණිලි වලින් විශාල ප්‍රමාණයක් සුළු සිදුවීම් බව ගාමිණි නවරත්න මහතා වැඩිදුරටත් ප්‍රකාශ කළේය.
0 comments:
Post a Comment