ජනවාරියේ 11 දෙනෙක් ඩෙංගු මාරයාට බිලිFebruary 6, 2011 12:09 pm

ඩෙංගු රෝගය වැළඳීමෙන් ජනවාරී මාසය තුළ පමණක් පුද්ගලයින් 11 දෙනෙකු මිය ගොස් තිබේ.

ජනවාරී මාසය තුළ පමණක් ඩෙංගු රෝගය වැළඳුනු පුද්ගලයින් 831 දෙනෙකු හඳුනාගෙන ඇති බව සෞඛ්‍ය ‍අමාත්‍යාංශයේ වසංගත රෝග විද්‍යා අංශය පවසයි.

ඉන් වැඩි පිරිසක් කොළඹ දිස්ත්‍රික්කයෙන් වාර්තා වන අතර කොළඹ දිස්ත්‍රික්කයෙන් ඩෙංගු රෝගීන් 297 දෙනෙකු හඳුනාගෙන තිබේ.

ගම්පහ දිස්ත්‍රික්කයෙන් ද ඩෙංගු රෝගීන් 107 දෙනෙකු මේ වසරේ ජනවාරී මාසය තුළ හඳුනාගෙන ඇති බව සෞඛ්‍ය අමාත්‍යාංශය පවසයි.

ඩෙංගු රෝගය වැළඳීමෙන් කොළඹ දිස්ත්‍රික්කය තුළ මිය ගිය පුද්ගලයින් සංඛ්‍යාව 5දෙනෙකු වන අතර කළුතර, හම්බන්තොට , මුලතිව් ල අම්පාර, රත්නපුර සහ ත්‍රිකුණාමලය යන දිස්ත්‍රික්ක වලින් ද එක් පුද්ගලයෙකු බැගින් මිය ගොස් ඇති බව වාර්තා වේ.