සුදු කොඩි නඩුවේ සාක්ෂි දීම සඳහා ආරක්ෂක ලේකම් ගෝඨාභය රාජපක්ෂ මහතාට ජනවාරි මස 25 වන දින අධිකරණය හමුවෙහි පෙනීසිටින මෙන් දන්වා කොළඹ මහාධිකරණය අද(13) නොතීසි නිකුත් කර තිබේ.
අදාළ නඩුවේ හතරවන සාක්ෂිකරු වශයෙන් ආරක්ෂක ලේකම් ගෝඨාභය රාජපක්ෂ මහතා නම්කර ඇත.
මීළඟ දින සාක්ෂි කැඳවීම සඳහා ආරක්ෂක ලේකම් ගෝඨාභය රාජපක්ෂ මහතා අධිකරණය හමුවට කැඳවීමට අවශ්‍ය බව එම නඩුව කැඳවූ අවස්ථාවේදී රජයේ නීතිඥ ඩිලාන් රත්නායක මහතා අධිකරණයෙන් ඉල්ලා සිටියේය.
එමනිසා ඒ සඳහා නොතීසියක් නිකුත්කරන ලෙස රජයේ නීතිඥවරයා අධිකරණයෙන් ඉල්ලා සිටියේය.
එම ඉල්ලීම සලකා බැලූ කොළඹ ත්‍රිපුද්ගල මහාධිකරණ විනිසුරු මඬුල්ල ආරක්ෂක ලේකම් ගෝඨාභය රාජපක්ෂ මහතාට ජනවාරි මස 25 වන දින සාක්ෂි දීම සඳහා අධිකරණය හමුවෙහි පෙනීසිටින මෙන් දන්වා නොතීසි නිකුත් කරනු ලැබීය.
0 comments:
Post a Comment