හෙද සේවාවේ ගැටලුවලට මේ මාසය තුළ විසඳුම් ලබාදීමට කටයුතු කරන බව සෞඛ්‍ය අමාත්‍යාංශය පවසයි. ඒ අනුව හෙද කාර්යය මණ්ඩලය මුහුණ පා ඇති ගැටලු සම්බන්ධයෙන් මුදල් අමාත්‍යාංශය සමග සාකච්ඡා කොට විසඳුම් ලබාදෙන ලෙසට සෞඛ්‍ය අමාත්‍යවරයා, අමාත්‍යාංශ ලේකම්වරයාට උපදෙස් ලබා දී ඇති බව එම අමාත්‍යාංශය පෙන්වාදෙයි.
කඩිනමින් එම ගැටලුවලට විසඳුම් ලබාදීමට රජය තීරණය කර ඇති හෙයින් හෙද කාර්යය මණ්ඩලය ලබන 16 වැනිදා කිසිදු වෘත්තීය ක්‍රියාමාර්ගයක නිරත වීමේ අවශ්‍යතාවයක් නොමැති බව ද අමාත්‍යාංශය පවසයි. රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමියන් සෞඛ්‍ය අමාත්‍යවරයා සමග ඊයේ පැවැත්වූ විශේෂ සාකච්ඡාවකදී හෙද හෙදියන්ගේ ගැටලුවලට විසඳුම් ලබාදීමට එකගත්වය පළවී තිබේ. adaderana.lk
0 comments:
Post a Comment