පුනරුත්ථාපන මධ්‍යස්ථානවලදී වෘත්තීය පුහුණුව ලැබූ හිටපු එල්.ටී.ටී.ඊ සාමාජිකාවන් 37 දෙනෙකු පුහුණුව අවසන් කර තිබේ. ඔවුන්ට මනාලියන් හැඩගැන්වීම සහ කොණ්ඩා මෝස්තර පිළිබඳ විධිමත් පුහුණුවක් ලබාදී ඇති බව පුනරුත්ථාපන කොමසාරිස් බ්‍රිගේඩියර් සුදන්ත රණසිංහ මහතා පවසයි. වයස අවුරුදු 45 ට වැඩි කාණ්‍ඩයේ පසුවූ අදාළ පිරිස එම වයස් කාණ්ඩය යටතේ පුනරුත්ථාපනය වූ අවසන් කණ්ඩායම බව ද වාර්තා වේ.
පුහුණුව ලැබූ එම පිරිසට වව්නියාවේ සිය ගම්ප්‍රදේශවලට යාමේ අවස්ථාව සලසා දී ඇති අතර ඔවුන්ට නිදහසේ රැකියාවල නිරත විය හැකි බව සුදන්ත රණසිංහ මහතා පවසයි. එල්.ටී.ටී.ඊ සංවිධානයේ හිටපු සාමාජිකයන් විශාල පිරිසකට මේ වන විට පුනරුත්ථාපනය කර රැකියා සඳහා පුහුණුව ලබාදී ඇත. adaerana.lk
0 comments:
Post a Comment