ප්‍රභා ගනේෂන් මන්ත්‍රීවරයා පවසන ආකාරයට තම පක්ෂයේ මන්ත්‍රීවරුන් ආණ්ඩුව සමග එක් නොවන බව එක්සත් ජාතික පක්ෂයේ සභාපති ගාමිණි ජයවික්‍රම පෙරේරා මහතා පවසයි. ප්‍රභා ගනේෂන් මහතා රජයට සම්බන්ධ වූයේ සිය වාසිය සඳහා බවට ඒ මහතා චෝදනා කරයි. එක්සත් ජාතික පක්ෂයෙන් කොළඹ දිස්ත්‍රික්කයෙන් පාර්ලිමේන්තුවට තේරී පත් වූ ප්‍රභා ගනේෂන් මන්ත්‍රීවරයා පසුගිය දා ආණ්ඩු පක්ෂයට එක්විය.
ඒ අනුව තවත් එක්සත් ජාතික පක්ෂයේ මන්ත්‍රීවරුන් පස් දෙනෙකු ආණ්ඩුව සමග එක් වීමට නියමිත බව ප්‍රභා ගනේෂන් මන්ත්‍රීවරයා ඊයේ දිනයේ දී ප්‍රකාශ කළේය. පක්ෂයේ ඉදිරි සැලසුම් සම්බන්ධයෙන් ද එක්සත් ජාතික පක්ෂයේ සභාපති ගාමිණී ජයවික්‍රම පෙරේරා මහතා අදහස් පළ කළේය. තවත් මාසයක කාලයක් ඇතුළත එජාපයේ නව ජීවයක් ඇතිකරන කණ්ඩායමක් එකමුතුව ප්‍රබල වැඩපිළිවෙළක් දියත් කරන බව ඔහු අවධාරණය කළේය. එමෙන්ම මේ වනවිට රජය බිය වී ඇති බවත්, ඇතුළත අර්බුද හටගෙන ඇති බවත් ජයවික්‍රම මහතා සඳහන් කරයි. adaderana.lk
0 comments:
Post a Comment