දැනට අත්අඩංගුවේ පසුවන සක්විති රණසිංහ නැමැත්තාට එරෙහිව හලාවත පොලිසියට ද පැමිණිලි ලැබෙමින් පවතින බව වාර්තා වේ. සක්විති රණසිංහ සිදු කළ බව කියන මූල්‍ය වංචා සම්බන්ධයෙන් තවදුරටත් පැමිණිලි ඇත්නම් ඉදිරිපත් කරන ලෙස අපරාධ පරීක්ෂණ දෙපාර්තමේන්තුව ද ජනතාවට දැනුම් දී තිබුණි.
හලාවත පොලිසිය වෙත ඉදිරිපත් වූ පැමිණිලි අතර තරුණියන්ගෙන් මුදල් වංචා කිරීම්, පරිගණක ලබා දෙන බව පවසමින් සිදු කළ මුදල් වංචා ඇතුළු සිද්ධීන් කිහිපයක් වන බව වාර්තා වේ.
සක්විති රණසිංහ හලාවත ප්‍රදේශයේ කුලියට රැඳී සිටි නිවසේ හිමිකරුවන්ගෙන් ද පොලිසිය ප්‍රශ්න කිරීමට පියවර ගෙන තිබේ. මේ අතර සක්විති රණසිංහගේ දරුවන් දෙදෙනා පරිවාස දෙපාර්තමේන්තු අධීක්ෂණය යටතේ ආරක්ෂිත ස්ථානයක රඳවා තබන ලෙස නුගේගොඩ මහේස්ත්‍රාත් අධිකරණය ඊයේ නියෝග කරනු ලැබීය. adaderana.lk
0 comments:
Post a Comment