සාර්ථක තෙදින යුක්‍රේන නිල සංචාරය නිමා කරමින් ජනාධිපති මහින්ද රාජපක්ෂ මහතා ඊයේ රාත්‍රී දිවයිනට පැමිණ තිබේ. පසුගිය 30 වැනිදා යුක්‍රේනය බලා පිටත් වූ ජනාධිපති මහින්ද රාජපක්ෂ මහතා එරට ජනාධිපති වික්ටර් යන්කොවිච්, අගමැති මයිකෝලා අසරොව් යන මහත්වරු ඇතුළු රාජ්‍ය තාන්ත්‍රිකයින් පිරිසක් හමුවිය. එහිදී දෙරට අතර සංචාරක, නාවික, ගමනාගමන, ආරක්ෂක ආදී ක්ෂේත්‍රයන්ට අදාළ ගිවිසුම් බොහොමයකට එළඹ තිබේ.
ශ්‍රී ලංකාව හා යුක්‍රේනය අතර ගුවන් ගමන් සේවා ආරම්භ කිරීමේ තීරණයකට එළඹීම ද විශේෂත්වයකි. ශ්‍රී ලංකා ජනාධිපතිවරයෙක් යුක්‍රේන සංචාරයක නිරත වූ ප්‍රථම අවස්ථාව ද මෙය වේ. යුක්‍රේන සංචාරය නිමා කරමින් ජනාධිපති මහින්ද රාජපක්ෂ මහතා ඊයේ රාත්‍රී 10 ට පමණ දිවයිනට ළඟා වූ ජනාධිපති මාධ්‍ය අංශය ප්‍රකාශ කළේය. adaderana
0 comments:
Post a Comment