ජාතික නිදහස් පෙරමුණේ නායක විමල් වීරවංශ මහතා ජනාධිපතිට එරෙහිව අරලියගහ මන්දිරය ඉදිරිපස පවත්වන්නට නියමිතව තිබූ විරෝධතා ව්‍යාපාරයක් වැරැදීමකින් එක්සත් ජාතීන්ගේ සංවිධානයේ කොළඹ කාර්යාලය ඉදිරිපිට පවත්වා ඇති බව ප්‍ර.ජා.සන්ධානයේ පාර්ලිමේන්තු මන්ත්‍රී අනුර කුමාර දිසානායක මහතා පවසයි.
බෑන්කී මූන්ගේ විද්වත් කමිටුව ඉල්ලා අස්කර ගැනීමෙන් හෝ තමන්ගේ මරණයෙන් කෙලවර වන බවට වහසි බස් දොඩා ආරම්භ කළ උපවාසය පැය 56 ට පසු නවතා දැමුවේ ජනාධිපතිවරයාගේ ඉල්ලීම පිට බවත්,ඔහුගේ ඉල්ලීමට මේ වන විට කන්දී ඇත්තේ ජනාධිපතිවරයා පමණක් බවත් හෙතෙම කියා සිටියි.
වීරවංශ මහතාගේ ඉල්ලීම් වලට කන්දුන් ජනාධිපතිවරයා මේ වන විට යුද අපරාධ චෝදනා ගැන සොයන්නට ඇමතිවරුන්ගෙන් සමන්විත කමිටුවක් පත්කර ඇති බව පෙන්වාදුන් මන්ත්‍රීවරයා මෙයින් පෙනී යන්නේ මුලාරම්භයේ සිටම මෙම විරෝධතාවය ජනාධිපතිවරයාට එරෙහිව ක්‍රියාත්මක කළාදැයි සැකයක් පවතින බවය.
මෙම විරෝධතාවය ට ප්‍රතිචාර වශයෙන් සිදුව ඇත්තේ මේ වන විට යුරෝපා සංගමයේ රටවල් 8 ක් ශ්‍රී ලංකාවේ විරෝධතාවන්ට අප්‍රසාදය පළ කොට එක්සත් ජාතීන්ගේ සම්මුති බිඳීම පිළිබඳ හේතු දක්වන ලෙස ඉල්ලා නිවේදනයක් නිකුත් කිරීම බවද ඔහු කියා සිටියේ අද පැවති මාධ්‍ය හමුවකට සහභාගී වෙමිනි. adaerana
0 comments:
Post a Comment