ශ්‍රී ලංකාවේ මහා භාණ්ඩාගාරයට තවත් සුදු අලියෙක් පාත්වී ඇති බව එක්සත් ජාතික පක්ෂ මහ ලේකම් තිස්ස අත්තනායක මහතා පවසයි.
ශ්‍රී ලංකා ඛනිජ තෙල් සංස්ථාව දූෂණ හා අක්‍රමිකතාවලින් පිරි ආයතනයක් බවට පත්වී ඇතැයි හෙතෙම කියා සිටියේ අද කොළඹ පැවති මාධ්‍ය හමුවකට සහභාගීවෙමිනි.
අඩුමිලට ලබා ගන්නා තෙල් වැඩි මිලට විකිණීමට ඛනිජ තෙල් සංස්ථාව කටයුතු කරන බවත්,සෑම ලීටරයකින්ම රු.55 ක් වැඩියෙන් උපයන බවත් එහෙව් ලාභයක් ලැබූවද පාඩු ලබන බව කියන්නට සිදුව ඇත්තේ ඒ තුළ සිදුවන අක්‍රමිකතා හේතුවෙන් බවත් මහ ලේකම්වරයා කියා සිටියේය.
පෙට්‍රල් වලට යකඩ මිශ්‍රවී ඇති බවටත්,ඩීසල් වලට වතුර මිශ්‍රවී ඇති බවටත් පසුගිය දිනවල වාර්තාවල පළවූ බව ද අත්තනායක මහතා කියා සිටියේය. adaerana
0 comments:
Post a Comment