උප්පුවේලි , විල්ගම්වෙහෙර කැලෑ ප්‍රදේශයක පුරා වස්තු සොරකම් කිරීමේ නිරත වූ පුද්ගලයින් පස් දෙනෙකු උප්පුවේලී පොලිසිය විසින් අත්අඩංගුවට ගෙන තිබේ..
අත්අඩංගුවට ගන්නා අවස්ථාවේ දී මෙම පුද්ගලයින් නටබුන් වූ වැවක කැණීම් කටයුතු සිදු කරමින් සිට ඇති බව පොලිස් මාධ්‍ය ප්‍රකාශක පොලිස් අධිකාරි ප්‍රිශාන්ත ජයකොඩි මහතා ප්‍රකාශ කළේය. එම ස්ථානයේ සිටි තවත් පුද්ගලයින් හය දෙනෙකු පළා ගොස් ඇති බව ද පොලිසිය ප්‍රකාශ කළේය.
අත්අඩංගුවට ගත් පුද්ගලයින් සතුව තිබූ මෝටර් රථයක් සහ කැණීම් කටයුතු සඳහා යොදා ගත් උපකරණ රැසක් ද පොලිසිය විසින් සොයා ගෙන තිබේ. මීට අමතරව සොරකම් කරන ලද පුරාවස්තු රැසක් ද පොලිසිය භාරයට ගෙන ඇති බව වාර්තා වේ.
පළා ගිය පුද්ගලයන් අත්අඩංගුවට ගැනීම සඳහා පරීක්ෂණ ආරම්භ කර ඇති අතර , අත්අඩංගුවට ගත් සැකකරුවන් අධිකරණ නියෝගයක් මත රඳවා තබා ගෙන පරීක්ෂණ සිදු කරන බව උප්පුවේලී පොලිසිය පවසයි.. adasderana
0 comments:
Post a Comment