(ලංකා ඊ නිව්ස් 2010 මැයි 01, ප.ව.4.55) මහනුවර දිස්ත්‍රික් එජාප මන්ත්‍රී ලක‍ෂ්මන් කිරිඇල්ල මහතා එජාපයෙන් ඉවත්වී ස්වාධීන මන්ත්‍රීවරයකු ලෙස ඉදිරියේ කටයුතු කිරීමට සූදානම් වෙයි.
විපක‍ෂයේ ප්‍රධාන සංවිධායක ධුරය කිරිඇල්ල මහතාට ලබාදෙන බවට එජාප නායක රනිල් වික්‍රමසිංහ මහතා වූ පොරොන්දුව කඩකිරීම නිසා දේශපාලන වශයෙන් කිරිඇල්ල මහතා කලකිරී සිටින බව වාර්තා වේ.
එජාප පාර්ලිමේන්තු කණ්ඩායම කිරිඇල්ල මහතා විපක‍ෂයේ ප්‍රධාන සංවිධායක ලෙස පත්කිරීමට නිර්දේශ කිරීමට සූදානමින් සිටි අතර එම නිර්දේශයට පෙර ජෝන් අමරතුංග මහතා එම ධුරයට පත් කිරීමට එජාප නායකත්වය ගත් තීරණයට පාර්ලිමේන්තු කණ්ඩායමේ වැඩිදෙනකුට නොසතුට පළකොට තිබේ.
ජෝන් අමරතුංග මහතාට එම ධුරය ලබාදුන්නේ කතෝලිකයකුට තනතුරක් දිය යුතු නිසා බව වික්‍රමසිංහ මහතා ප්‍රකාශ කොට තිබේ. එජාපයේ සමහර මන්ත්‍රීවරුන් පවසන්නේ අමරතුංග මහතා පිල් මාරු කරන්නට සිටි සූදානම වළක්වා ගන්නට මේ තනතුර ඔහුට දුන් බවයි.
0 comments:
Post a Comment