පෞද්ගලික බස් රථ වල වෙළඳාම් කිරීම සහ සිඟමන් යැදීම තහනම් කරමින් පනවා තිබෙන නීති අද සිට දැඩිව ක්‍රියාත්මක කරන බව ලංකා පෞද්ගලික බස් හිමියන්ගේ සංගමය පවසයි. මෝටර් රථ ආඥා පනත යටතේ සහ ජාතික ගමනාගමන කොමිසන් සභාවේ බලපත්‍ර කොන්දේසි යටතේ පනවා ඇති මෙම නීති අද සිට බලාත්මක කිරීමට තීරණය කර ඇති බව එම සංගමයේ සභාපති ගැමුණු විජේරත්න මහතා සඳහන් කරයි.
පසුගිය කාලය පුරා අනවසර වෙළෙන්දන් සහ යාචකයින් හේතුවෙන් මගී ජනතාවට විඳින්නට සිදු වූ පීඩා ඉහළ යාම හේතුවෙන් නීතී බලාත්මක කිරීම පිළිබඳ වැඩි අවධානයක් යොමු කළ බව විජේරත්න මහතා අවධාරණය කරයි. ඔහු සඳහන් කළේ නීතී ක්‍රියාත්මක කිරීම සඳහා මගී ජනතාවගේ සහය ද අත්‍යවශ්‍ය බවය. මෙම නීති බලාත්මක කිරීම සම්බන්ධයෙන් බස් රථ සේවකයින් දැනුවත් කිරීමට පියවර ගෙන ඇති බව ගැමුණු විජේරත්න මහතා වැඩිදුරටත් පැවසුවේය. adaderana
0 comments:
Post a Comment