සරත් ෆොන්සේකා මහතාට බ්‍රොන්කයිටීස්(Bronchitis) රෝගයේ මූලික අවස්ථාව වැළඳී ඇති බවට ඔහුව පරීක්ෂා කළ විශේෂඥ වෛද්‍යවරයා නිගමනය කර ඇති බව අනෝමා ෆොන්සේකා මහත්මිය පවසයි.
ෆොන්සේකා මහතාගේ අසනීප තත්ත්වය පිළිබඳව මැතිවරණ සමයේදී දීර්ඝ වශයෙන් කතා කළ ද දැන් ඒ පිළිබඳව කතා නොකරන බවට ඇතැමුන් චෝදනා කරන බවත් ෆොන්සේකා මහත්මිය පෙන්වා දෙයි. ඇය මෙම අදහස් දැක්වූයේ අද කොළඹ පැවති මාධ්‍ය හමුවක් අමතමිනි. සරත් ෆොන්සේකා මහතාගේ එක්ස් රේ පිටපතක් ගැනීමට ද වෛද්‍යවරයා නියම කර ඇති බවත්, එමෙන්ම බෙහෙත් වර්ග 06ක් ඔහු වෙත ලබා දී ඇති බවත් ඇය පවසයි. නමුත් තම ස්වාමි පුරුෂයාට වෛද්‍ය ප්‍රතිකාර වලට වඩා සුවය ලැබීම සඳහා අවශ්‍ය වන්නේ පිරිසිදු වාතාශ්‍රය ලැබෙන ස්ථානයක ජීවත්වීම බව ඇය අවධාරණය කරයි.adaderana
0 comments:
Post a Comment