රටට ද්‍රෝහී වු දේශපාලනඥයින්ට මෙවර ඡන්දය මරබිය ගෙන දෙන්නක් වී ඇතැයි ජාතික නිදහස් පෙරමුණේ නායක විමල් වීරවංශ මහතා පවසයි.
මැතිවරණයකදී දේශපාලනඥයාට තමන්ගේ භූමිකාව පිළිබඳව ජනතාවගේ විනිශ්චය ලබා ගත හැකි බව ඒ මහතා පෙන්වා දෙයි. එහෙත් රටට හතුරු වු මෙන්ම මව් බිම පාවා දීමට උත්සාහ කළ දේශපාලනඥයින් මෙවර මැතිවරණයේදී බියෙන් පසුවන බව වීරවංශ මහතා පවසයි.
ඒ මහතා මේ අදහස් පළ කරනු ලැබුවේ කොට්ටාව මා කුඹුර ප්‍රදේශයේ පිහිටි වීරවංශ මහතා‍ගේ මැතිවරණ මෙහෙයුම් කාර්යාලයේ පැවති උත්සවයක් අමතමිනි.
මැතිවරණයෙන් පසු රටට ද්‍රෝහී වු දේශපාලනඥයින්ගේ දේශපාලන වශයෙන් අවසන් ගමන් යෑම කිසිවෙකුටත් වැළැක්විය නොහැකි බව හෙතෙම සඳහන් කළේය.
මාතෘ භූමිය ජයග්‍රහණය කරවීමේ තීරණාත්මක අභියෝග වලට මුහුණ දුන් තමන්ට මැතිවරණ වලට මුහුණ දීමට කිසිදු බියක් නැතැයි වීරවංශ මහතා මෙහිදි වැඩිදුරටත් කියා සිටියේය.adaderana
0 comments:
Post a Comment