යටිතල පහසුකම් වැඩි දියුණු කිරීම සහ බිමි බෝම්බ ඉවත් කිරීම ආදී කටයුතු නිසා යුද්ධයෙන් අවතැන් වූ ජනතාව නැවත පදිංචි කිරීමේ කටයුතු සඳහා තවත් කාලයක් අවශ්‍ය බව ශ්‍රී ලංකා රජය පවසන බව ඉන්දීය මාධ්‍ය වාර්තා කරයි. ඒ පිළිබඳව නිශ්චිත කාල සීමාවක් සඳහන් කළ නොහැකි බව ද රජයේ ආරංචි මාර්ග සඳහන් කර තිබේ.
නමුත් මේ වනවිට දිනකට 1000 බැගින් වාර්තා ගත ජන සංඛ්‍යාවක් නැවත පදිංචි කළ බවත්, නමුත් එම ජනතාව වෙනුවෙන් යුද්ධයෙන් විනාශ වූ ප්‍රදේශ නැවත සංවර්ධනය කිරීම සඳහා කටයුතු කරන බව ද රජය පවසයි. එමෙන්ම තමිල්නාඩුවේ සිටින ශ්‍රී ලාංකික ද්‍රවිඩ ජනතාවට ද නැවත ශ්‍රී ලංකාව වෙත පැමිණිය හැකි බව ද, යුද්ධයෙන් අවතැන්වූ ජනතාව නැවත පදිංචි කිරීම රජයේ ප්‍රමුඛ කාර්යයක් බව ද ඔවුන් අවධාරණය කරයි.
ශ්‍රී ලංකාව තුළ වාර්ගික සමගිය ගොඩනැගීම සඳහා ඉන්දීය රජයේ මෙන්ම තමිල්නාඩුවේ සහය අවශ්‍ය බවත්, නමුත් එහිදී ශ්‍රී ලාංකිකයන් ලෙස රටේ අනන්‍යතාව ආරක්ෂා කිරීමත්, රජයේ අදහස් හා අපේක්ෂාවන්ට මුල් තැන ලබාදීමත් අපේක්ෂා කරන බව ද ශ්‍රී ලංකා රජය පවසන බව එම ඉන්දීය මාධ්‍ය වාර්තා කරයි. adaderaaana
0 comments:
Post a Comment