චැනල් -4 සේවයට ජෙනරාල් සරත් ෆොන්සේකා මහතා විසින් ලබා දී ඇති ප්‍රකාශයන් ලබා දුන්නේ කෙසේද යන්න පිළිබඳ සොයා බැලීම නොව වඩා අවධානය යොමු කළ යුතු කරුණ වන්නේ ජනාධිපතිවරයා විසින් ලබා දී ඇති වරප්‍රසාද අයුතු ලෙස ප්‍රයෝජනයට ගෙන තිබීම සම්බන්ධයෙන් බව ප්‍රවාහන අමාත්‍ය ඩලස් අලහප්පෙරුම මහතා පවසයි.
ඔහුට එරෙහිව එල්ල වී ඇති ප්‍රධාන චෝදනාවක් වන්නේද විනය පිළිබඳ ප්‍රශ්නයක් බවත්,මෙම ක්‍රියාවෙන් යළි යළිත් තහවුරු වන්නේද ෆොන්සේකා මහතාට විනයක් නැති බව නොවේදැයි හෙතෙම අසා සිටියේ අද පැවති මාධ්‍ය හමුවකට සහභාගී වෙමිනි.
කලකදී වේළුපිල්ලේ ප්‍රභාකරන් ව වීරයා ලෙස සැලකූ චැනල් -4 ආයතනය ම ජ.වි.පෙ විසින් අභිෂේක කරන ලද සිංහල යුද වීරයා වන ෆොන්සේකා වෙනුවෙන්ද පෙනී සිටීම පිළිගන්නේ කෙසේදැයි ඇමතිවරයා ජ.වි.පෙන් ප්‍රශ්න කළේය.
ජ.වි.පෙ ජෙනරාල් සරත් ෆොන්සේකා හා අනෝමා ෆෝන්සේකා සම්බන්ධයෙන් කටයුතු කරන ආකාරය මාක්ස්වාදී දේශපාලනයට ගැලපෙන්නේ නැති බව ද හෙතෙම කියා සිටියේය.
මන්දයත් මාක්ස්වාදයේ මූලික හරය සූරකෑමට එරෙහි වීම වුවද ජ.වි.පෙ විසින් මේ වන විට සරත් ෆොන්සේකා සහ අනෝමා ෆොන්සේකා යන දෙපළ සූරාකමින් සිටින බවද වැඩිදුරටත් පැවසීය. හම්බන්තොට ප්‍රදේශයේ ගැමි ජනතාවට තමන්ගේ භාණ්ඩ විකුණා ගැනීමට නොහැකි වූ විට"බැරිම තැන හන්දිය"නම් තැනකට පැමිණ විකුණා ගැනීමට උත්සාහ දරන බවත්,ජ.වි.පෙ මේ වන විට දේශපාලනය කරන්නේ බැරිම තැන හන්දියේ බවත් ඇමතිවරයා කියා සිටියේය.ada
0 comments:
Post a Comment