එක්සත් ජාතික පෙරමුණේ කාන්තාව වෙනුවෙන් සැකසුණු"දැය දිනවන ඇය" විශේෂ ප්‍රතිපත්ති ප්‍රකාශනය අද කොළඹ ජයවර්ධන කේන්ද්‍රයේදී එළිදැක්වුණි.
ශ්‍රී ලංකාවේ ජනගහණයෙන් 53%ක් කාන්තාවන් බවත්, ඔවුන් රටේ ආර්ථික සංවර්ධනයට විශාල දායකත්වයක් සපයන බවත් මෙම අවස්ථාවේදී විපක්ෂ නායක රනිල් වික්‍රමසිංහ මහතා පැවසීය. මෙවර එක්සත් ජාතික පෙරමුණ යටතේ මැතිවරණය සඳහා කාන්තාවන් ඉදිරිපත් වන්නේ දිස්ත්‍රික්ක 10කින් පමණක් බවත් තම පක්ෂය මැතිවරණය ජයග්‍රහණය කළහොත් එම කාන්තා නියෝජනය වැඩිකිරීමට කටයුතු කරන බවත් ඒ මහතා සඳහන් කරයි. ඒ අනුව පළාත් සභාවල කාන්තා නියෝජනය 25% දක්වා වැඩිකිරීමට බලාපොරොත්තු වන බව ද ඔහු පවසයි.
මැතිවරණය ජයග්‍රහණය කළහොත් 2012 වසරේ අප්‍රේල් මාසය වනවිට මෙම කාන්තා ප්‍රතිපත්ති ප්‍රකාශනය සම්පූර්ණයෙන්ම ක්‍රියාත්මක කිරීමට බලාපොරොත්තු වන බව රනිල් වික්‍රමසිංහ මහතා ප්‍රකාශ කරයි. මෙම උත්සව අවස්ථාවට එක්සත් ජාතික පෙරමුණේ නියෝජ්‍ය නායක කරූ ජයසූරිය මහතා, මහ ලේකම් තිස්ස අත්තනායක මහතා, ජෝන් අමරතුංග සහ රේණුකා හේරත් මහත්මිය ද සහභාගි වී සිටියහ. adade
0 comments:
Post a Comment