ජෙනරාල් සරත් ෆොන්සේකා මහතා අනුවණ පුද්ගලයෙකු බව ජනාධිපති මහින්ද රාජපක්ෂ මහතා පවසයි. ඔහු දේශපාලනයට පිවිසියේ එහි ප්‍රතිඵලයක් ලෙස බවද ජනාධිපතිවරයා සඳහන් කරයි.
සිංගප්පූ‍රුවේ ස්ට්‍රේට් ටයිම්ස් පුවත්පත සමග පැවති සම්මුඛ සාකච්ඡාවකදී ජනාධිපති මහින්ද රාජපක්ෂ මහතා මේ බව ප්‍රකාශ කර තිබේ. එහි තවදුරටත් අදහස් දක්වන ජනාධිපතිවරයා පවසන්නේ අවසන් වරට ෆොන්සේකා මහතා හමුවූ අවස්ථාවේ දී දේශපාලනයට පිවිසෙන්නේ දැයි ඔහුගෙන් විමසූ විට ඔහු එය ප්‍රතික්ෂේප කළ බවය. කෙසේ වෙතත් එහිදී දේශපාලනය යනු යුද හමුදාව නොවන බව තමා ඔහුට පැහැදිලි කර දුන් බව ජනාධිපතිවරයා ස්ට්‍රේට් ටයිම්ස් පුවත්පතට පවසයි.
හමුදාවේ දී ලබාදෙන අණ, පහළ නිලධාරීන් එලෙසම ක්‍රියාත්මක කළ ද දේශපාලනයේ දී එය එසේ නොවන අතර දේශපාලකයින් සිදුකරන ප්‍රකාශ සහ නියෝග එලෙසින්ම පිළිපදින පිරිසක් නොමැති බවට තමා ෆොන්සේකා මහතාට පෙන්වා දුන් බව ජනාධිපති මහින්ද රාජපක්ෂ මහතා වැඩිදුරටත් කියාසිටියි. ෆොන්සේකා මහතා යුද හමුදා අත්අඩංගුවට පත්වීම සම්බන්ධයෙන් ස්ට්‍රේට් ටයිම්ස් පුවත්පත කළ විමසීමකට ප්‍රතිචාර වශ‍යෙන් ජනාධිපති මහින්ද රාජපක්ෂ මහතා ප්‍රකාශ කර ඇත්තේ එය හමුදාමය ක්‍රියාමාර්ගයක් වන අතර තමා ඊට මැදිහත් වීමට සූදානම් නොමැති බවය. ada
0 comments:
Post a Comment