ආණ්ඩු පක්ෂයේ හැසිරීම පාර්ලිමේන්තු ඉතිහාසයේ ඇතිවූ අප්‍රසන්න සිදුවීමක්

බ්‍රිතාන්‍යයේ දී ජනාධිපති මහින්ද රාජපක්ෂ මහතාට එරෙහිව ක්‍රියාත්මක වූ එල්. ටී. ටී. ඊ හිතවාදී බලවේග එක්සත් ජාතික පක්ෂය තරයේ හෙළා දකින බව එම පක්ෂයේ පාර්ලිමේන්තු මන්ත්‍රී හරේන් ප්‍රනාන්දු මහතා පවසයි.

කෙසේ වෙතත් එම සිද්ධිය සම්පාදක කර ගනිමින් පසුගිය දා පාර්ලිමේන්තුවේ ඇති වූ කලහකාරී ස්වභාවය සම්බන්ධයෙන් කිසිසේත් අනුමත කළ නොහැකි බව ඔහු සඳහන් කළේය.

කොළඹ දී අද(06) පැවති මාධ්‍ය හමුවකට සහභාගී වෙමින් හරේන් ප්‍රනාන්දු මහතා මෙම අදහස් පළ කළේය.

ආණ්ඩු පක්ෂය පාර්ලිමේන්තුව තුළ හැසිරුණු ආකාරය පාර්ලිමේන්තු ඉතිහාසය තුළ ඉතා අප්‍රසන්න සිදුවීමක් වනු ඇති බව ඔහු එහි දී වැඩිදුරටත් සඳහන් කළේය.
adaderana.lk