ඓතිහාසික සීගිරිය පර්වතය ආරක්ෂා කිරීම සඳහා අවශ්‍ය පියවර ගන්නා ලෙස බලකරමින් පුද්ගලයින් තිදෙනෙකු සීගිරිය පර්වත මුදුනේ උපවාසයක් ආරම්භ කර තිබේ..
සීගිරියට සිදුවන හානිය වැළැක්වීම, එහි වැසිකිළි පද්ධතිය හා ආපනශාලාව ඉදිකිරීම සඳහා අනුමැතිය ලබාදුන් පුද්ගලයින් සම්බන්ධයෙන් නීතිමය ක්‍රියාමාර්ග ගැනීම සහ දැනට මධ්‍යම සංස්කෘතික අරමුදල යටතේ පාලනය වන සීගිරිය පුරා විද්‍යා දෙපාර්තමේන්තුව යටත‍ට පවරාගන්න‍ා ලෙස උපවාසකරුවන් ඉල්ලීම් ඉදිරිපත් කර ඇති බව අප වාර්තාකරු සඳහන් කරයි.
මෙම මාරාන්තික උපවාසය සඳහා සහභාගී වී සිටින පුද්ගලයින් තිදෙ‍නාගෙන් දෙදෙනකු සීගිරි සුරැකීමේ සංවිධානයේ සාමාජිකයින් වන අතර අනෙක් පුද්ගලයා මහනුවර ප්‍රදේශයේ පදිංචිකරුවෙකු බව සඳහන් වේ.
තම ඉල්ලීම් ඉටුවනතුරු උපවාසය අත්නොහරින බව උපවාසකරුවන් තරයේ ප්‍රකාශ කරන බව අප වාර්තාකරු වැඩිදුරටත් සඳහන් කරයි. adaderana
0 comments:
Post a Comment