උතුරේ ජනජීවිතය නගා සිටුවීම සඳහා රජය ගෙන යන වැඩපිළිවෙළ ප්‍රශංසනීය බව ජපාන විශේෂ නියෝජිත යසුෂි අකාශි මහතා පවසයි. අකාශි මහතා අරලිය ගහ මන්දිරයේ දී ජනාධිපති මහින්ද රාජපක්ෂ මහතා හමුවූ අවස්ථාවේ මේ කරුණු ප්‍රකාශ කළ බව ජනාධිපති මාධ්‍ය අංශය සඳහන් කරයි.
මෙරට සංවර්ධන කටයුතු සඳහා ජපන් රජය අඛණ්ඩව සහය ලබාදීමට කටයුතු කරන බව ද අකාශි මහතා ප්‍රකාශ කර තිබේ. එල්. ටී. ටී. ඊ පාලන කාලය තුළ තමා කිලිනොච්චියේ සංචාරය කළ බවත් එම කාලයට සාපේක්ෂව අද වන විට කිලිනොච්චිය සුවිසල් වෙනසකට ලක්ව ඇති බව ද අකාශි මහතා ප්‍රකාශ කළේය. තිරසාර සාමයක් වෙනුවෙන් රජය ඉටුකරන කාර්යභාරය උතුරු ප්‍රදේශයේ සිදුවන සංවර්ධනය තුළින් පෙනී යන්නේ යැයි මෙම හමු‍වේ දී අකාශි මහතා වැඩිදුරටත් සඳහන් කර තිබේ. adaderana
0 comments:
Post a Comment