ජෙනරාල් සරත් ෆොන්සේකා මහතා සම්බන්ධයෙන් වන පළමුවන යුද්ධාධිකරණයට එරෙහිව ඉදිරිපත් කර ඇති පෙත්සම විභාගය කල්දැමීමට අභියාචනාධිකරණය තීන්දු කර තිබේ. යුද හමුදාපතිවරයා විසින් ඉදිරිපත් කර ඇති විරෝධතාවලට ප්‍රතිවිරෝධතා ගොනුකිරීම සඳහා දිනයක් ලබාදෙන්නැයි ජෙනරාල් සරත් ෆොන්සේකා මහතාගේ නීතීඥවරුන් කල් ඉල්ලා සිටීම ඊට හේතුව වී ඇත.
පළමුවන යුද්ධාධිකරණය අවලංගු කරන මෙන් ඉල්ලා ජෙනරාල් සරත් ෆොන්සේකා මහතා ගොනු කළ පෙත්සම අභියාචනාධිකරණය හමුවේ ඊයේ කැඳවූ අවස්ථාව මෙම නියෝගය ලබාදී ඇති බව සඳහන්ය. ඒ අනුව පෙත්සම් විභාගය ලබන 29 වනදාට කල් දැමූ අධිකරණය එදිනට පෙර ප්‍රතිවිරෝධතා ඉදිරිපත් කරන ලෙස ජෙනරාල් සරත් ෆොන්සේකා මහතාගේ නීතීඥයින්ට නියෝග කළේය. පළමු වන යුද්ධාධිකරණය සඳහා පත්කර ඇති විනිසුරුවරුන්ගෙන් තමාට සාධාරණ විභාගයක් අපේක්ෂා කළ නොහැකි බැවින් එය අවලංගු කරන්නැයි ඉල්ලා ජෙනරාල් සරත් ෆොන්සේකා මහතා විසින් මෙම පෙත්සම ඉදිරිපත් කර තිබේ. adaderana
0 comments:
Post a Comment