රජය විසින් ලබාගත් රත්‍රන් සහ මුදල් මෙතෙක් ලබා දි නැතැයි සඳහන් කරමින් ඒවා යළි ලබාගැනීමට සහයෝගය ලබාදෙන ලෙස කිලිනොච්චියේ ජනයා තමන්ගෙන් ඉල්ලා සිටි බව ප්‍රජාතන්ත්‍රවාදී ජනතා සන්ධානයේ පාර්ලිමේන්තු මන්ත්‍රී අනුර කුමාර දිසානායක මහතා පවසයි.
උතුරේ එල්.ටී.ටී.ඊ පාලනය පැවති කාලයේ ඔවුන්ගේ බලකිරීම මත ඊලාම් බැංකුවල තැන්පත් කළ මුදල් සහ රත්‍රන්, එල්.ටී.ටී.ඊයේ පරාජයත් සමග රජයට පවරා ගැනීමට කටයුතු කළ බව සිහිපත් කළ ජනයා මේ වන තුරුත් තමන්ගේ වස්තුව තමන්ට යළි ලබාදීමට උත්සාහයක් හෝ ගෙන නැති බව පෙන්වා දුන් බවද මන්ත්‍රීවරයා කියා සිටියේය.
ඊයේ දිනයේ ජ.වි.පෙ මන්ත්‍රීවරුන් පිරිසක් යුද්ධයෙන් පීඩාවට පත් උතුරේ ජනයා බැහැදැකීමට ගිය අවස්ථාවේදී කිලිනොච්චියේදී ජනයා විසින් මෙම ඉල්ලීම කළ බව අද දෙරණට ප්‍රකාශයක් කරමින් අනුර කුමාර මහතා වැඩිදුරටත් කියා සිටියේය.
අනුර කුමාර දිසානායක,බිමල් රත්නායක,රාමලිංගම් චන්ද්‍රසේකර්,මරුන්ගන් මෝහන් යන මහත්වරුන් මෙම සංචාරයට එක්වූ බව සඳහන් වේ. adaderana
0 comments:
Post a Comment